| 今日睇冰河世紀3D 版， 我鍾意第一集多啲， 但3D 效果好正， I like it ~~~ 跟住表姨同契爺嚟探昕顥同食飯， 阿仔初初又怕醜， 要黐住媽咪， 不過唔夠十分鐘就ok~~~ BB又有禮物收， 契爺送咗對靚靚Adidas 波鞋俾佢， thanks a lot! 昕顥初時對個鞋盒比較有興趣， 因為嗰度有個窿， 佢又可以篤一餐~~~ 
後來見到契爺個相機， 又去研究吓， 兩契父子好似傾得好投契噃！
契爺同媽咪分別幫昕顥影相， 佢著住舅父送嘅工人褲、 好似插住袋， 成個model 仔咁~~~ 呢個energetic baby 不斷周圍走， 後來發現契爺啲相機蓋、鏡頭蓋， 覺得超好玩， 於是就玩咗成粒鐘~~~  
 
 
 
 
 
 
 
 
 
好專心咁睇返自己啲videos ~~~ 
昕顥好搞笑， 每次發覺契爺幫佢影咗相， 都會立即走去睇返， 成個監督咁~~~  
 
 
嘩！呢兩幅好温馨呀~~~ 
同表姨合照呢張相好靚呀！ 呢個仔好黐契爺， 伏喺契爺度個樣笑到冧滋滋， 好可愛~~~  
 
契爺農曆生日， 祝契爺心想事成~~~ 大家影完相就食蛋糕 喇~~~  
 
表姨同契爺返屋企後， 昕顥百無聊賴， 於是攞對新波鞋嚟欣賞一番~~~  
 
 
 
 
昕顥今日玩得好開心， 佢好鍾意熱鬧， 所以表姨同契爺要多啲嚟同佢玩~~~ |
| |
| 星期日老豆嚟食飯， 飯後昕顥跟咗公公落街買雪糕~~~ 阿仔今次唔係第一次食雪糕， 但就係第一次食晒全杯！ 
  
昨日俾佢自己揸住個餐包嚟食， 初初個樣食得懶正經咁， 點知食咗幾啖就攞嚟玩...  
又到睡前嘅reading session， 昕顥次次都會好肉緊、好開心咁飛奔上地台， 等媽咪講Kipper's story 俾佢聽~~~  
每次睇Kipper 時都好乖， 好專心聽媽咪講， 講完我哋就會俾佢自己揭吓另一本書書， 佢會指吓啲圖畫、嘰哩咕嚕講吓BB話， 好似好enjoy reading 咁！  
今晚嘅特別節目係玩櫈仔， 平時我哋餵完佢食mum mum 就會收埋， 佢冇機會玩， 今日Auntie Theresa 唔記得收埋， 佢仲唔乘機玩返夠本咩！  
 
影完相就俾媽咪收埋咗張櫈仔， 無所謂，轉玩車車、波波同豬仔車攞~~~  
 
呢兩張相睇嚟冇乜特別， 其實...  
呢個BB當時係冇著尿片同冇著褲！ 好彩件連身底衫啱啱遮到BB仔， 如果唔係， 媽咪又要畫啲樹葉遮住佢~~~  
呢個B冇時停， 所以成日影到呢啲影側面、cut 頭仔嘅相， 不過我都唔捨得delete， 因為有啲表情真係好可愛~~~  
今朝睇到老公喺Facebook 寫嘅網誌， 真係好好好好好好好好好好好好好好好好好好感動！ 我好想同老公講： 多謝你愛我， 能夠相遇、相識、相知、相愛、相處真係一件唔容易嘅事， 我知我哋會一直珍惜對方， 手牽手渡過以後嘅每一天！ 只要身邊有你同昕顥， 我就覺得自己係呢個世界上最幸福嘅人！ |
| |
| 昨日放早， 唔夠十一點就返到屋企，好爽！ 又多咗同阿仔嘅親子時間喇~~~ 呢個仔玩車時花款多多， 呢排鍾意趷高pat pat 同車車「穿山窿」~~~ 
晚上去同事嘅farewell dinner， 昕顥出發前又要去推BB車， 都唔明佢做乜咁鍾意推車...  
明明出門口時仲因為有街街去超興奮， 但一去到潮館就好moody， 全程唔笑、唔多肯跟人同要痴住媽咪... 初時雖然唔肯笑， 但都可以俾代父、Uncle Edmund & Auntie Nancy 抱住影吓相。 
後來Uncle King Yuen 嘅出現令昕顥B連僅有嗰份冷靜都冇埋， 阿仔一見到佢即刻扁咀、谷眼淚， 再擰轉面伏喺媽咪膊頭度避開佢。 唔通阿仔真係記得呢個叔叔曾經整喊過佢？ 
返到屋企心情都唔太好， 冇乜表情咁自己坐喺地台度玩...  
 
 
今日BB嘅心情時好時壞， 去爺爺嫲嫲度前就玩波波玩得好開心~~~  
 
最初去到爺爺屋企都自己乖乖哋玩， 但到後來又變咗樹熊仔要痴住媽咪， 平時好鍾意跟爺爺嘅佢忽然連爺爺都唔肯跟...
返到屋企又ok 喎， 又喺地台度玩車， 冇再扭計喇！  
早幾日幫阿仔 時見到佢牙肉又紅又腫， 摸落去拮拮哋， 應該係吽出兩隻大牙仔。 希望佢呢幾日咁反常係因為牙肉腫痛， 而唔係突然變曳咗啦， 冇理由一下子性情大變嘛... 今晚阿哥同阿妹出發去日本 喇， 期待佢哋嘅戰利品！ |
| |
| 昨日放假， 昕顥又可以一瞓醒就見到媽咪、同媽咪玩喇！ 個傻豬連牙仔都未刷 就攞個奶樽嚟玩， 可能肚仔餓、想食奶奶~~~
 
下晝公公、太婆、叔公同叔婆嚟探昕顥~~~ 叔公同叔婆分別送咗巴士同Sesame Street VCD 俾佢， 個個都咁錫佢， 呢個BB真幸福~~~ 昕顥大大吓變得慢熱咗， 見到啲唔常見嘅人會 ， 要warm up 一陣先回復真我本性， 昨日初初見到啲長輩都冇乜表情、 仲要攬住媽咪隻腳， 不過唔駛十分鐘就活躍返晒， 仲成日主動哄個頭仔去錫太婆添， 真係識氹人開心~~~ 
食飯時喺酒樓外玩釣魚船~~~ 
飯後返到屋企繼續玩車車同睇書書， 動靜多多咁， 淨係坐喺度望住佢玩都係一種好好嘅娛樂同享受~~~ 
今日個傻B瞓醒晏覺就撩媽咪同佢玩， 我坐喺餐枱度， 佢就坐喺地度舉高手叫我抱佢上枱玩， 我一見親佢呢啲笑樣， 就忍唔住係咁錫佢 ！ 
昕顥一向鍾意推車多過坐車， 今晚Daddy 放佢落去坐同推佢， 初初好開心， 但唔夠三分鐘又要逃走喇~~~  
|
| |
| 星期日昕顥出去同公公、舅父、阿姨食飯前， 又喺屋企無無聊聊咁睇吓書書、玩吓車車~~~ BB雜誌？ Good，又有靚女BB睇！
相信個傻B都係覺得自己本Baby Sesame Street 好睇啲， 睇到笑咪咪咁開心~~~ 
佢超鍾意公公送嘅minibus， 但玩咗兩個星期已經甩皮甩骨...  
 
食飯時舅父又俾啲狗仔相昕顥睇， 嘩，兩甥舅個tone 好襯噃~~~  
飯後遇到Auntie Kristy 一家， 第一次同Alvis 細佬仔見面~~~ 細細個嘅阿仔同Alvis 一樣唔怕生保、見人就笑， 今日竟然怕醜喎， 扮晒嘢咁... 
舅父喺日本買咗條工人牛仔褲俾昕顥~~~ 我想買工人褲俾阿仔好耐喇， 但一直揾唔到啲薄身嘅， 呢條正好啱晒我心水， 薄薄哋唔驚熱親阿仔~~~ 返到屋企即刻同佢試， 好靚、好啱身！ 昕顥多謝晒舅父嘅禮物啦~~~ 
 
 
星期一係school holiday， 我哋有friends' gathering~~~ 晞晞哥哥未嚟， 阿仔唯有自己玩住先啦~~~ |
