|
30/10 因聲沙問題去檢查聲帶， 照內窺鏡後發現右邊聲帶再次生咗個枕… 上次生枕已經係七年前嘅事， 做手術割咗兩個枕， 休息咗一個月； 今次情況冇咁差， 只有一個枕， 但同時聲帶亦發炎。 醫生寫咗八日病假俾我， 雖然個枕唔會因食藥而消失或縮細， 但希望減少說話一星期讓聲帶消炎， 改善聲沙問題。 醫生叫我考慮做手術， 但我暫時都唔考慮喇， 一個枕就割…唔抵嘛！ 不過呢個幾兩個月以來， 把聲真係越來越沙， 我講嘢亦要越來越用力， 所以即使單堂講40分鐘書都會頭赤， 唱歌就更加唔駛旨意lu… 真慘，我都幾鍾意唱歌… 遲啲見speech therapist， 希望有幫助啦！ ************************************************************************** 早前同昕顥去街街影落啲相， 一直都冇時間post… 昕顥去親Toysrus都好high， 見親車車就會發出會心微笑， 又會攞貨架上嘅車車好專注咁研究， 好可愛！ 佢好驚右下角個海膽球， 嫲嫲之前買咗兩個細嘅俾佢佢都唔肯掂， 喺Toysrus見到個大海膽， 竟然主動嘗試攞上手， 但攞攞吓都係頂唔順， 露出個慘樣， 真係俾佢笑死~~~ 
昕顥著靚衫衫返playgroup & 同公公食飯， 好smart 呀~~~ 返playgroup 時啲aunties 一見到佢就話佢超靚仔、超型仔， 仲問佢係咪等陣要去幼兒園interview~~~ 哈哈，去幼兒園interview 嗰兩日都冇執得咁正喎！ 
呢幾日sick leave 喺屋企同昕顥朝夕相對， 覺得個仔大個咗好多、懂事咗好多、 鬼馬咗好多、得意咗好多！ 多咗時間喺屋企就梗係幫阿仔影咗好多相啦！ 早幾日阿仔學人有紋有路咁睇雜誌， 一見到宮心計造型嘅佘詩曼就指住佢好開心咁笑， 嗰版仲有楊怡、李詩韻等其他妃子嘅相， 但昕顥只會指住佘詩曼笑， 姣佘嘅威力真係唔講得笑， 連個20個月嘅BB都俾佢迷倒！ 
個仔成日古靈精怪、動靜表情多多咁， 淨係望住佢玩都係好大嘅樂趣同享受~~~ 
個傻B唔多鍾意毛公仔， 但呢兩隻Baby Mickey & Baby Minnie 就例外， 玩親就好肉緊咁攬住佢哋~~~
 大個仔咗開始肯坐上車車度玩， 唔係淨係推喇~~~ 
平時昕顥唔多鍾意玩Thomas train， 但呢兩日又無端端要「點佢燈」， BB都貪新鮮喎~~~
 昕顥豬塊面珠仔又白又滑， 加埋含蓄嘅微笑好charming ！ 
呢個仔近幾日成日整古作怪， 一邊跑、一邊又瞇眼又伸脷， 氹到人勁開心！ 
昨晚臨瞓仲掛住玩， 幫佢著睡袋時仲鬼鬼馬馬咁嘰哩咕嚕不停口講嘢~~~ 
今早起身同媽媽一齊睇Apple Daily Online， 一見到寬頻廣告裡面車就笑個不停， 聽到佢嘅笑聲就不其然會跟住佢笑~~~ 
佢真係好鍾意車車， 成日車不離手~~~ 
呢三個星期昕顥去咗九龍塘迦南同耀中interview下年嘅幼兒班， 兩間都有offer，叻叻~~~ 
但自從in 完迦南我就決定即使佢哋收阿仔， 我都唔會俾佢去讀， 因為當日interview 嘅感覺唔係太好； 當日我哋喺waiting area 度等in， 跟住有個老師指示我帶阿仔入去interview room 其中一張枱度。 行到枱前，禮貌上當然係等老師叫我哋坐低，我哋先坐啦， 但我哋兩母子喺枱前企咗差唔多一分鐘， 嗰兩位老師都冇望過我哋一眼， 只係兩個掛住研究啲form， 佢哋即使忙緊， 都應該叫我哋坐低先啩… 佢哋討論完畢後， 其中一位老師先施施然話「請坐啦」， 嗰刻我已經覺得佢哋冇乜禮貌， 我哋in F.1學生都唔會就咁啦… 而且整個interview 過程負責發問嗰位老師無論對我、定對昕顥都係一啲笑容都冇， 我覺得佢似政府部門啲職員多過似幼師囉… 雖然我相信唔係個個老師都係咁， 但一個已經足以令我對呢間學校嘅印象大打折扣。 相反in 耀中嘅感覺就好好多， 加上佢哋口碑唔錯， 如無意外，我哋都會俾個仔讀耀中喇， 希望佢讀得開心啦~~~ 最後，昕顥要多謝姑媽喺日本買俾佢嘅禮物， thank you, 'gu ba' ﹙昕顥講唔正「姑媽」呢兩個音，講到變咗'gu ba' ﹚！ 
************************************************************************** 全職湊咗昕顥豬幾日， 我好enjoy 同個仔相處嘅每一刻， 因為我真係好鍾意好鍾意好鍾意好鍾意好鍾意好鍾意好鍾意好鍾意好鍾意好鍾意呢個仔！ |
| |
|
27/10 Joint Test 第二日， 放學帶昕顥去Disneyland， 俾佢感受吓Halloween 嘅氣氛~~~ 到達廸士尼時昕顥已經開始眼瞓， 但見到咁多Disney characters 又唔想瞓… 每逢排隊同啲大公仔影相時就扭眼瞓， 但一走埋啲公仔身邊就好開心~~~
昕顥好受啲Disney Characters 歡迎， 啲公仔又篤佢面珠仔、又篤佢肚dum 仔、 又要kiss 昕顥、又要昕顥kiss 返佢哋， 好搞笑！ 但個傻B一影相就收起晒啲笑容… 
昕顥真係好傻豬， 排緊隊同Goofy & Pluto 影相時本來好唔耐煩， 但見到地下有啲落葉就走去踢吓踩吓， 即刻開心晒！ 
昕顥專心睇parade 中~~~ 
睇完parade + Golden Mickey 都唔肯瞓覺， 於是餵佢食mum mum 後再帶佢入小小世界， 諗住佢喺個又暗又涼嘅環境下坐船仔搖吓搖吓， 應該會瞓喇啩， 點知佢仍然眼仔碌碌咁睇公仔… 
晚上仲有energy 睇Halloween parade， 昕顥見到啲dancers 化晒鬼裝一啲都唔驚， 見到阿Jack 仲手指指添！ 
搭車返屋企初段， 仲係咁撩媽媽玩， 笑到成個車廂都聽到佢把聲， 後來終於倦極要覺覺豬lu~~~
 
Disneyland嘅威力認真大， 可以令平日要瞓三個鐘晏覺嘅睡寶寶一分鐘都唔瞓， 真係magical！
|
| |
| 呢排超忙， 又check 簿、又check 卷、又睇堂、又改文， 完全唔得閒update xanga， 搞到俾各方好友狂催我出新entry， 所以今朝「拿拿聲」update， 以解各位對昕顥相思之苦~~~ ************************************************************************************** 昕顥最近已經好少著BB裝， 上星期貪得意俾返佢著， 肚仔凸凸咁， kawaii 呢~~~
臨瞓前指定動作 ―― 玩睡袋~~~ 
兩父子一齊跑嘅背影~~~ 
近排天氣涼咗啲， 得閒會帶阿仔落樓下嘅遊樂場玩~~~ 
上星期係老豆60 歲大壽， 阿仔當日滿場飛， 同小表姨們玩、 又同Cedric 哥哥一齊玩車車同彈珠， a fun night！ 
阿仔好鍾意聽國歌， 每次播國歌佢都會手指指、跟住節奏跳舞， 音樂一停就會攤開手板話冇冇~~~ 
聽到廣告歌都一樣會手舞足蹈~~~ 
契爺同埋謙哥哥嚟同昕顥玩， 佢玩得好開心呀， 成晚笑到見牙唔見眼！ 
阿仔攬個波波周園走， 唔通驚住謙哥哥會搶走佢？ 
爸媽又話要去食千両， 昕顥等去街街時睇Barney 睇到表情多多~~~ 
昕顥雖然未食得魚生， 但都好鍾意食壽司飯， 自己一啖一啖'butt' 嚟食， 喺屋企食飯又唔見佢咁爽手... 食飽飽就自己玩吓車車、研究吓相機套、 ~~~ 
搭地鐵嗰陣， 阿仔最鍾意睇書， 我哋問佢 'Where is the key/orange/ostrich?' 等問題， 佢全都指啱晒， 好叻仔！ 
尖沙咀Sun Arcade 有珍貴稀有昆蟲睇， 有蜘蛛、有犀牛甴曱等， 超核突！ 都係同大南瓜影相算數~~~ 我只係教過阿仔’pumpkin’呢個term 一次， 佢就記得呢舊橙色嘢叫pumpkin， 小朋友嘅記性超強！ 
老豆琴晚買俾阿仔嘅picture pairing game， 雖然註明適合3-5 歲小朋友玩， 但對阿仔一啲難度都冇， 'match中率' 係100% ~~~ 
************************************************************************************* 另外，約兩星期前我喺昕顥面前扭開個水樽蓋一次， 佢就立刻有樣學樣、 學識咗扭開同扭返埋樽蓋呢組動作喇， 佢嘅手眼協調真係一流，amazing！ 就係咁水樽就成為咗佢嘅呢兩個星期嘅新玩具喇~~~ |
| |
| 今日老公要做兄弟， 一早已經著靚靚出咗去lu~~~ 每次老公著西裝， 都覺得佢特別靚仔 ！ 佢今晚要好夜先返喇… 老公一咁長時間唔喺屋企我就好唔慣，會掛住佢… ************************************************************************************ 今個星期初， 昕顥又因出大牙而好忟， 而且笑少咗好多， 到星期二、三先正常返啲。 不過即使佢出牙仔唔舒服， 只要爸爸媽媽陪佢玩就好開心 ~~~  本來正在跑來跑去嘅昕顥B一聽到國歌嘅前奏， 就即刻走去指住個電視， 再左右搖擺跳舞， 一唱完就攤大手板話冇冇~~~ 
臨瞓前嘅時間係昕顥嘅play time， 個傻豬玩玩吓車車， 無端端研究自己隻腳趾公… 媽媽好鍾意 佢攬住Baby Mickey個樣， 好sweet~~~ 一聽到媽媽話clean up， 就拿拿聲拎起兩隻Baby Mickey， 準備攞入房俾Auntie Theresa~~~ 
昕顥已經養成自己執拾玩具嘅習慣， 每次媽媽一唱clean up song， 佢就將地上嘅玩具或書書逐樣攞入房俾Daddy 或 Auntie 放好， 每將一樣物件交到Daddy 或 Auntie 手上， 就會笑住咁走出廳繼續執， 晚晚如是， 好 ~~~
前晚契爺嚟探昕顥同食飯， 初時雖然肯俾契爺抱， 但佢又唔笑、又唔講嘢， 超cool， 經過一輪warm up， 就回復真我個性， 玩到kiki kaka~~~ 
嗰晚古靈精怪、動情多多， 先玩雙手拗後， 烏前個身扮飛機起飛咁行路~~~ 
再曲起對腳扮矮仔行路~~~ 
又暱係枱底裝坐喺地台嘅契爺同爸爸媽媽， 好鬼cute~~~ 
琴日Sports Day後， 老公同我去咗廸士尼黑色世界 ， 因為要玩鬼屋， 所以冇帶昕顥去喇~~~ 今次係昕顥出世之後， 我同老公第一次放低個仔、兩個自己去玩。 其實我唔係太捨得因為玩而丟低個仔， 亦都好驚入鬼屋﹙ 我超細膽…﹚ 但老公好想去玩， 亦自問生咗昕顥之後， 所有心機同注意力都放晒喺個仔身上， 唔多唔少忽略咗老公， 就趁呢一日過吓久違咗嘅二人世界 啦~~~ 但總係覺得俾爸媽賣甩咗嘅昕顥豬好可憐， 所以事前已安排咗阿妹去陪佢， Issac’s sis 都有去， 除咗阿姨，仲有多個姐姐同佢玩， 佢梗開心啦！ 而我同老公就玩晒三間 屋， 唔好問我恐唔恐怖， 因為我冇可能話唔恐怖… 雖然老公全程攬住我， 但我都俾啲「鬼」嚇咗幾嘢 ！ 入到 ， 就梗係要玩Space Mountain 同Buzz Lightyear Astro Blasters， 另外仲玩埋之前一直未玩過嘅Stitch Encounter & 獅子王慶典， Stitch Encounter 超好笑， the 15-minute show 全無冷場， 值得推介 ~~~ 臨走前喺美國小鎮大街見到Disney characters， 難得咁少人排隊， 所以同佢哋影左相~~~ 今日冇睇parade， 今個月尾同昕顥一齊去時先睇~~~ 
經過琴日， 我好肯定自己患咗嚴重嘅戀仔症， 因為我琴日成日都好掛住昕顥豬！
 |
| |
| 國慶日， 晚上去咗太古城行街食飯。 我同老公係魚生怪， 所以去千両食壽司 ， 係近呢兩個星期嘅第四餐壽司喇~~~ 等位期間昕顥同Daddy 騎吓膊馬、周圍跑吓、 佢成日走入啲shops， 啲sales 姐姐又撩佢玩啦！ 入到餐廳立即睇menu、 又眼都唔眨咁望住啲迴轉壽司   ， 見到行過嘅waiters & waitresses 就笑， 搞到人哋忙緊都忍唔住停低撩佢玩~~~
迎月夜， 我哋返黄大仙同阿嫲、老豆、叔叔佢哋食中秋飯。 搭地鐵期間， 昕顥好專心咁望出車窗睇風景~~~ 
昕顥一去到酒樓就好忙， 又玩車車、又玩碗碟、又要俾叔公同舅父考英文！ 舅父攞住本書書問昕顥好多字、 昕顥全都都指啱晒啲圖， 個個都讚佢叻叻啦！ 
公公同叔公好鍾意湊昕顥， 成日帶昕顥出酒樓外面玩， 昕顥有得走嚟走去不知幾開心！ 
飯後上咗公公屋企樓下平台度參加中秋晚會， 有好多營光棒玩呀， 昕顥當個營光圈係軚盤咁擰左擰右扮揸車~~~ 
一去到公公屋企， 公公又送架新車車俾昕顥~~~ 佢好鍾意呢架車， 連睇魚魚時都要揸住唔放， 返到屋企衫都未換好就要玩！ 
昕顥嘅燈籠同營光棒~~~
中秋夜， 返爺爺嫲嫲度做節。 昕顥又好忙， 先忙玩車車~~~ 
再忙搬紙巾~~~
最後就忙住拍公仔頭、叫佢奏樂~~~ 
今晚到我哋屋企樓下平台有中秋晚會， 昕顥攞住燈籠仔周圍行吓應吓節。 佢人仔矮矮， 攞燈籠攞到好似拖狗咁… 初時昕顥只係掛住周圍睇嘢， 唔算太興奮。 
後來去到playground 玩就開心晒~~~ 
玩到成身汗嘅昕顥， 過咗愉快嘅一夜， 最後同爸爸媽媽影完相相就返屋企洗白白、食奶奶、覺覺豬lu ~~~ 
Last but not least， 祝Uncle Carson & Noel 小表姨生日快樂、 前者減肥成功、後者學業進步！ |
| |
